Fréttir

Sjávarútvegsskóla unga fólksins er nú lokið þetta sumarið. Kennt var á fimm stöðum á Austurlandi, fjórum stöðum á Norðurlandi, í Reykjavík og í Vesturbyggð. Skólinn var rekinn í samstarfi sjávarútvegs- og fiskeldisfyrirtækja, vinnuskóla byggðarlaga og Sjávarútvegsmiðstöðvar Háskólans á Akureyri og kennsla fór fram í júní og júlí.

Framkvæmdaaðili sýningarinnar Verk og vit hefur að höfðu samráði við Embætti landlæknis og samstarfsaðila sýningarinnar ákveðið að fresta sýningunni sem halda átti í Laugardalshöll 12.-15 mars næstkomandi fram til 15.-18. október 2020. Í ljósi aðstæðna vegna COVID-19 setur framkvæmdaaðili sýningarinnar heilsu og hag sýnenda, þjónustuaðila og gesta sýningarinnar í forgang og er þessi ákvörðun tekin nú áður en uppsetning hefst á sýningunni. Verk og vit hefur skipað sér sess sem uppskeruhátíð bygginga- og mannvirkjageirans en á síðustu Verk og vit sýningu 2018 sóttu um 25.000 manns sýninguna. Með hliðsjón af eðli sýningarinnar og þeim fjölda fólks sem sækir sýninguna heim, þá væri það erfiðleikum bundið að framfylgja að fullu leiðbeiningum almannavarna. Til að gæta ýtrasta öryggis sýnenda og gesta þá er sýningunni eins og áður er nefnt frestað fram í október 2020.

Í Rússlandi stendur yfir sýningin Seafood Expo Russia dagana 10.-12. júlí. Yfir 7000 gestir mæta á sýninguna og skoða þar vörur frá um 300 fyrirtækjum. Sæplast er með bás á svæðinu og kynnir þar helstu vörur.

Fiskidagurinn var haldinn í 18. sinn helgina 10.-12. ágúst og áætla má að um 36.000 gestir hafi heimsótt Dalvík í blíðskaparveðri þessa helgi.

Miðvikudaginn 4. júlí undirrituðu fulltrúar fjögurra aðila samvinnusamning sem snýr að flokkun á rusli sem til fellur á Fiskideginum mikla. Undirritunin fór fram í brekkunni við hátíðarsviðið í miðbæ Dalvíkur.

Sjóminjasafnið enduropnaði helgina 9. og 10. júní með tveimur glæsilegum sýningum og koma Sæplast ker við sögu í annarri þeirra.

Í samstarfi við Samherja hefur Sæplast framleitt söfnunarker til flokkunar á sorpi á sjó, og hófst framleiðsluferli kerjanna sl. september.

Árið byrjar vel hjá systurfélagi Sæplast, iTub, en fyrirtækið framleiddi á dögunum ker númer 35.000 til leigu til viðskiptavinar erlendis. iTub var stofnað árið 2010 af Sæplast og norskum sjávarútvegsfyrirtækjum með því markmiði að leigja út ker í Noregi. Seinna fór fyrirtækið einnig að leigja út ker til annarra landa.

Sæplast ásamt hóp íslenskra fyrirtækja í sjávarútvegi heimsóttu borgina Vladivostok í Rússlandi þar sem ráðstefnan Fishermen Congress var haldin 5. og 6. október.