Um Sæplast

SÆPLAST GEYMA GÆÐINSÆPLAST raw material

SÆPLAST er leiðandi fyrirtæki í heiminum í hönnun og framleiðslu á tvöföldum einangruðum kerum og þreföldum sérstyrktum PE kerum og brettum sem notuð eru í matvælaframleiðslu og í endurvinnsluiðnaði.

Það hefur verið leiðarljós okkar við hönnun og framleiðslu SÆPLAST vara að þær mæti ströngustu kröfum viðskiptavina okkar sem koma víða að og úr mörgum ólíkum geirum atvinnulífsins. SÆPLAST vörur eru sérstaklega sterkbyggðar, endingargóðar og með hátt einangrunargildi. Rennislétt yfirborðið tryggir auðveld þrif og eykur matvælaöryggi til mikilla muna.

Framleiðsluferlið byggir á hverfissteypu þar sem plasthráefni er sett í lokað mót og því snúið um tvo ása inni í ofni. Þegar mótið hitnar bráðnar hráefnið og sest á innra yfirborð þess og eftir að allt plastið hefur bráðnað er mótið tekið úr ofninum og kælt.

SÆPLASTI hefur frá upphafi tekist að viðhalda orðspori sínu sem framleiðandi gæðavara sem veitir framúrskarandi þjónustu.

 

 UPPHAF SÆPLASTS

SÆPLAST er meðal þekktustu útflutningsfyrirtækja Íslendinga. Rætur fyrirtækisins má rekja til Dalvíkur,  sjávarþorps á norður Íslandi þar sem fyrirtækið var stofnað árið 1984. Allar götur síðan hefur framleiðsla á hverfissteyptum einangruðum umbúðakerum verið þungamiðjan í framleiðslu Sæplasts og fyrirtækið verið í fararbroddi í heiminum í hönnun og framleiðslu á slíkum vörum. Fyrstu árin þjónaði fyrirtækið fyrst og fremst viðskiptavinum í sjávarútvegi en síðan hafa aðrar greinar í matvælaiðnaði í auknu mæli tekið framleiðsluvörur SÆPLASTS í sína þjónustu.

Í dag rekur Sæplast þrjár verksmiðjur á Íslandi, í New Brunswick í Kanda og á Spáni. Sölunet Sæplast byggir á söluskrifstofum og umboðsmönnum sem selja vörur fyrirtækisins víða um heim.

Sæplast in Dalvik, Northern Iceland

ÚR HEIMAHAGANUM OG ÚT UM ALLAN HEIM

Frá 2015 hefur SÆPLAST verið dótturfyrirtæki breska félagsins RPC-Group. RPC er framsækið alþjóðafyrirtæki á sviði plastframleiðslu sem rekur tæplega níutíu verksmiðjur víða um heim.

RPC framleiðir plastpakkningar meðal annars fyrir matvæla-, snyrtivöru-, og lyfjaiðnað. Auk þess framleiðir fyrirtækið plastíhluti í stór og smá farartæki og raftæki. RPC er umhugað að halda áfram að bæta við og þróa plastvöruframleiðslu sína.

Auk þess að framleiða vörur með blásturs- og hitamótunaraðferðum er RPC stærsti framleiðandi heims á sviði hverfisteypu. Starfsemi RPC er umfangsmikil víða um heim og úrval plastvöru sem það framleiðir er gríðarmikið.