Sæplast 630 einangrað ker með fótum

Vörulýsing

Sæplast 630 einangrað ker er sérstaklega vinsælt í ljósi mikils styrks og góðrar endingar. Það er auðvelt að hvolfa úr því og er hannað sérstaklega með það í huga að hægt er að stafla því með einföldum óeinangruðum kerum. Einnig er kerið á fótum í stað bita til að auka hreinlæti og bæta meðhöndlun við ákveðnar aðstæður. Sæplast 630 einangrað ker hentar vel sem ker fyrir kjöt, ker fyrir fuglakjöt og ker fyrir endurvinnslu, svo fátt eitt sé nefnt. Kerið er þrefalt með polyethylene kjarna sem gerir það afar sterkbyggt og endingargott og hentar því afar vel við erfiðar aðstæður. Þetta sterka plastker er vinsælt í kjötvinnslu undir afganga og aukaframleiðslu, hefur nýst mjög vel sem söfnunarker. Hægt að fá með og án tappagata.

Sæplast 630 Einangrað ker á fótum                                                                                                                     Spurðu okkur

• Á fótum fyrir sérstakar aðstæður

• Endingargott

• Fjölnota - lok mögulegt

• Auðvelt að þrífa og halda hreinu

• Lita- og merkingarmöguleikar  

Um Sæplast einangruð ker: 

Einangruðu kerin frá Sæplast hafa frá upphafi haft gott orð á sér fyrir endingu, einangrun og styrk. Rannsóknir hafa verið gerðar varðandi PUR varmaeinangrun kerjanna og ljóst er að Sæplast kerin tryggja lengri varmaeinangrun og þar með gæði matvæla. Einnig hafa rannsóknir verið gerðar á styrk PE einangrun kerjanna sem sýna að kerin geta enst í mjög langan tíma sé farið vel með þau. Margar týpur af Sæplast plastkerum eru staflanleg og aðgengi er fyrir gólf og gaffallyftara frá öllum hliðum auk þess er hægt að hífa sum kerin með hífi. 

Litavalmöguleikar, merkingar og rekjanleiki eru í boði fyrir Sæplast einangruð ker. Sjá frekari upplýsingar neðar á síðunni eða hafðu samband við okkur.  
  

Styrkur sem mætir hörðustu kröfum - PE einangrun

Sæplast PE einangruð ker eru hönnuð með styrkleika og endingu í huga en veggir kersins og einangrunin er gerð úr polyethylene.
Sæplast PE plastker eru því með þreföldum veggjum og þar með þau sterkustu á markaðnum í dag. Þau eru hönnuð á þann hátt að draga ekki í sig raka og vera einstaklega endingargóð. Þessir eiginleikar viðhalda gæði vörunnar og draga úr kostnaði kaupanda en einnig er auðvelt að gera við ker sem hljóta einhverjar skemmdir.   

Sæplast einangruð ker eru notuð um allan heim í ýmsan matvælaiðnað til að endast og að halda utan um rétt hitastig vörunnar hvort sem um er að ræða frosin eða ísuð/kæld matvæli og eru kerin hönnuð á þann hátt að hrinda auðveldlega óhreinindum frá sér og gera þrif á þeim auðveld. Kerin hafa líka verið notuð sem söfnunarker fyrir ýmsan úrgang eða öðru því tengt hvort sem er í matvælaiðnaði eða endurvinnslu. Kerin koma í ýmsum stærðum og gerðum og eru sölumenn Sæplast alltaf tilbúnir til þess að aðstoða við val og hjálpa til við að finna lausnir fyrir viðskiptavini. 

Sæplast PE einangruð ker eru þekkt fyrir styrkleika og endingu. Sæplast einangruð ker eru örugg og endingargóð fyrir matvælaiðnaðinn og hefur Sæplast frá upphafi tekist að viðhalda orðspori sínu sem framleiðandi gæðavara sem veitir framúrskarandi þjónustu. 

• Sterk, endingargóð og hagnýt plastker, örugg í flutningum
• Sæplast PE einangruð ker endast allt að 6-10 sinnum lengur en hefðbundin einföld ker
• Slétt hönnun eykur hreinleika og hindrar viðloðun óhreininda
• Hönnun kerjanna býður uppá auðveld þrif og takmarkar viðloðun óhreininda