Brunnur Ø100 cm með sléttum botni án keilu

Vörulýsing

Byggingarreglugerðir krefjast þess að brunnar séu settir við allar nýbyggingar enda er mikið öryggi og kostnaðarhagkvæmni fólgin í að hafa aðgang að lögnum utanhúss vegna eftirlits og viðhalds. Sæplast framleiðir brunna til fráveitulagna úr polyethylene-efni (PE). Í Sæplast-vörulínunni er fjölbreytt úrval brunna til að mæta mismunandi notkunarkröfum.

Brunnarnir eru í þremur þvermálsstærðum: 400 mm, 600 mm og 1000 mm. Tengingar lagna við hefðbundna 110 og 160 mm brunnstúta eru mjög þægilegar með þar til gerðum gúmmíhringjum sem þéttast utan um lagnirnar. Sverari stútar tengjast með skotmúffum. Þeir brunnar sem eru 400 mm að þvermáli eru með þremur 110 mm innrennslistengistútum en brunnarnir sem eru 600 mm eru með fimm 110 mm og/eða þremur 160 mm innrennslistengistútum.

Einnig eru fáanlegir 600 og 1000 mm brunnar með 200 mm eða sverari tengistútum. Brunnarnir henta mjög víða, t.d. henta þeir sem eru 600 mm í þvermál sem „húsbrunnar“ en þeir sem eru 1.000 mm við stærri hús eða sem tengibrunnar við götu. Þessir 1.000 mm brunnar eru jafnframt fáanlegir með sléttum botni og henta þannig vel sem dælubrunnar.

Hægt er að bæta framlengingum ofan á brunnana og raða þeim saman í þá hæð/ dýpt sem óskað er. Framlengingarnar eru 400 og 600 mm í þvermál og 600 og 1.200 mm á hæð hver framlengingareining. Auðvelt er að saga af framlengingunum í þá hæð sem æskileg er og sníða brunnana með því móti að þeirri stærð sem hentar í hverju tilviki. Framlengingarnar eru fáanlegar með sléttum botni.

BÆKLINGUR

TEIKNING PDF

ALLAR TEIKNINGAR

Söluaðilar:

Húsasmiðjan
Byko
Vatn&Veitur
Vatnsvirkinn
Tengi hf.