Skólabúnaðarstyrkur fyrir nýnema í Dalvíkurbyggð

Allir sáttir með nýjar töskur

Nýjar töskur fyrir nýja nemendur

Eins og undanfarin ár hefur Sæplast gefið börnum sem eru að taka sín fyrstu skref í 1. bekk í Dalvíkurskóla skólatöskur og pennaveski.

Okkur þykir mikilvægt að þessari hefð sé haldið áfram. Hugmyndin er að allir taki þessi mikilvægu skref inn í skólann jafnir, allir geti fengið það sem þarf fyrir skólagönguna og á sama tíma létta aðeins undir foreldrum þar sem þessi kostnaður getur reynst nokkuð mikill.

Venjan er að börnin geri sér ferð í Sæplast til að þiggja gjöfina, því fylgir alltaf jafn mikill spenningur og gleði. Engar breytingar áttur sér stað í þeim málum, öll hress og kát, sátt með nýja skóladótið sitt.

Sæplast þakkar öllum kærlega fyrir komuna og óskar öllum nýnemum góðs gengis á sínu fyrsta ári í Dalvíkurskóla.