Framúrskarandi fyrirtæki verðlaunuð á Icefish 2022

Arnar Snorrason tekur við verðlaunum fyrir hönd Sæplasts

Verðlaun Íslensku sjávarútvegssýningarinnar voru afhent við hátíðlega athöfn miðvikudaginn 8. júní. Verðlaunin settu lokapunktinn á fyrsta dag sýningarinnar sem stendur yfir dagana 8.-10. júní

Tilgangur verðlaunanna er að heiðra afburði í íslenskum og alþjóðlegum sjávarútvegi og beina ljósum að hugmyndaríkustu og frumlegustu vörunum ásamt því að veita framúrskarandi vörum og þjónustu viðurkenningu.

Verðlaunin í ár eru styrkt af Vónin, Bureau Veritas og Morgunblaðinu. Verðlaunahafar voru valdir af nefnd sérfræðinga undir formennsku Guðjóns Einarssonar, fyrrum ritstjóra Fiskifrétta og Jason Holland, ritstjóra World Fishing & Aquaculture Magazine. 

Sæplast fékk sérstaka viðurkenningu fyrir sigur í flokknum "Aukin verðmætasköpun í vinnslu, stórfyrirtæki með yfir 50 starfsmenn".

Sæplast kynnti til leiks nýtt ker sem hannað er með áherslu á að lækka flutnings- og geymslugjöld, tryggja gæði fisks, draga úr gróðurhúsaáhrifum og viðhalda öryggi í stölfun. Tvíburakerin svokölluðu vinna saman að því að tryggja gæði og rýmisnýtingu á sama tíma og þau stuðla að sparnaði.

Sjá nánar