Sæplast 130 einangrað ker

Vörulýsing

Sæplast 130 einangrað ker er orðið sígilt í vörulínu okkar. Það er lítið, fjölhæft og með margvíslegt notagildi. Kerið er sérstaklega hentugt fyrir meðhöndlun á ferskri matvöru og fáanlegt í ATP útgáfu (með vottun fyrir kæliflutning). Sæplast 130 einangrað ker er tvöfalt með sérstaklega þykkan pólýúretan kjarna og því afar hátt einangrunargildi. Lok fylgir og er það fest á með lömum úr plasti og hespum. Það er hægt að nota kerið sem kæliker, fiskiker, ker fyrir kjöt og annan matvælaiðnað. 

Helstu notendur Sæplast 130 eru smábátasjómenn, litlar kjötvinnslur, verslanir og dreifiaðilar.  Einnig hentar það vel fyrir ferðaþjónustu og stóreldhús. 

Sæplast 130 Einangrað Ker                                                                                                                            Spurðu okkur

• Hátt einangrunargildi

• Endingargott

• Fjölnota 

• Auðvelt að þrífa og halda hreinu

• Lita- og merkingarmöguleikar  

• Rekjanlegt  

Um Sæplast einangruð ker: 

Einangruðu kerin frá Sæplast hafa frá upphafi haft gott orð á sér fyrir endingu, einangrun og styrk. Rannsóknir hafa verið gerðar varðandi PUR varmaeinangrun kerjanna og ljóst er að Sæplast kerin tryggja lengri varmaeinangrun og þar með gæði matvæla. Einnig hafa rannsóknir verið gerðar á styrk PE einangrun kerjanna sem sýna að kerin geta enst í mjög langan tíma sé farið vel með þau. Margar týpur af Sæplast plastkerum eru staflanleg og aðgengi er fyrir gólf og gaffallyftara frá öllum hliðum auk þess er hægt að hífa sum kerin með hífi. 

Litavalmöguleikar, merkingar og rekjanleiki eru í boði fyrir Sæplast einangruð ker. Sjá frekari upplýsingar neðar á síðunni eða hafðu samband við okkur.  
 

Einangrunargildi - varmastjórnun

Sæplast PUR einangruð ker eru slétt, hverfissteypt tvöföld ker en PUR stendur fyrir polyurethane einangrun sem er dælt inn í veggi kersins til að tryggja gott einangrunargildi þeirra sem skilar sér í að vara helst köld/frosin lengur en með hefðbundnum einföldum plast eða frauðkössum. Í yfir 30 ár hefur Sæplast þróað einstaka tækni til að auka árangur kerjanna hvað varðar styrk og endingu bæði í veggjum þeirra sem og einangrun.  

Sæplast einangruð ker eru notuð um allan heim í ýmsan matvælaiðnað til að halda utan um rétt hitastig vörunnar hvort sem um er að ræða frosin eða ísuð/kæld matvæli og eru kerin hönnuð á þann hátt að hrinda auðveldlega óhreinindum frá sér og gera þrif á þeim auðveld. Kerin hafa líka verið notuð sem söfnunarker fyrir ýmsan úrgang eða öðru því tengt hvort sem er í matvælaiðnaði eða endurvinnslu. Kerin koma í ýmsum stærðum og gerðum og eru sölumenn Sæplast alltaf tilbúnir til þess að aðstoða við val og hjálpa til við að finna lausnir fyrir viðskiptavini. 

Sæplast einangruð ker eru örugg og endingargóð fyrir matvælaiðnaðinn og hefur Sæplast frá upphafi
tekist að viðhalda orðspori sínu sem framleiðandi gæðavara sem veitir framúrskarandi þjónustu. 

• Góð varmaeinangrun tryggir stöðugt hitastig vörunnar
• Lok eru í boði en þau halda enn betur að vörunni og hitastigi hennar
• Hönnun kerjanna býður uppá auðveld þrif og takmarkar viðloðun óhreininda 
• Sæplast einangruð ker hafa orð á sér að vera einstaklega sterk og endingargóð